“Zirə” Anım Günündə şəhidlərimizi yad edib. Futbolinfo.az xəbər verir ki, klub adını daşıdığı qəsəbənin Vətən müharibəsində həlak olan şəhidlərinin məzarını ziyarət edib.
Hər 3 şəhidimiz üçün çələng hazırlanıb, klub nümayəndələri anım mərasiminə qatılıb.
“Zirə” vaxtilə komandanın formasını geymiş İlqar Bürcəliyevi də unutmayıb. Klub nümayəndələri Gəncədə olub, Şəhidlər Xiyabanında şəhidimizin məzarını ziyarət edib, çələng qoyublar. Daha sonra müharibə vaxtı raket zərbələrindən ziyan çəkmiş şəhər mərkəzinə baş çəkilib.
