“Keşlə” ənənəsinə sadiqdi. AFFA-nın ayırdığı böyük büdcəni dağıtmaqda pəgar olan bakılılar hər ay yeni futbolçu gətirmək adətini tərgitmir.
Sentyabrda sabiq oyunçusu Sadio Tounkaranı geri qaytaran “Keşlə” oktyabr planını da doldurub. Belə ki, paytaxt təmsilçisinin sabiq oyunçusu Con Kamara klubsuz qaldıqdan sonra geri qayıtmaq məcburiyyətində qalıb. Və “Keşlə” də yayda bəyənməyib qovduğu yarımmüdafiəçini bağrına basıb.
Klub idarəetməsində ən biabırçı siyasəti ilə seçilən “Keşlə”nin bu transferi yaxın günlərdə açıqlayacağı gözlənilir.