“Qarabağ”ın Konfrans Liqasının qrup mərhələsinin 3-cü turunda evdə “Kayrat”a (Qazaxıstan) qarşı keçirəcəyi oyuna bilet satışı davam edir.
Futbolinfo.az xəbər verir ki, indiyədək qarşılaşmaya 13 mindən çox bilet satılıb. Hazırda satışda cəmi 2 min bilet qalıb.
Xatırladaq ki, Tofiq Bəhramov adına Respublika Stadionunda keçiriləcək oyuna koronavirus pandemiyası səbəbindən arenanın yalnız 50 faizi tutumunda azarkeş buraxılmasına icazə var.
Oktyabrın 21-də keçiriləcək “Qarabağ” – “Kayrat” matçına saat 20:45-də start veriləcək.