İspaniyanın “Barselona” klubunda daha üç futbolçunun koronavirusa yoluxduğu üzə çıxıb.
Futbolinfo.az xəbər verir ki, bu barədə La Liqa təmsilçisinin rəsmi saytı məlumat yayıb.
Son olaraq COVİD-19 testi pozitiv çıxan oyunçular Serjinyo Dest, Filippe Koutinyo və Ez Abdedir. Onların ev şəraitində karantinə alındığı diqqətə çatdırılıb.
Bununla da yanvarın 2-də La Liqa çərçivəsində “Malyorka”nın qonağı olacaq “Barselona”da koronavirusa yoluxanların sayı 10-a çatıb. Daha öncə Kleman Lanqle, Dani Alveş, Jordi Alba, Alexandro Balde, Osman Dembele, Samuel Umtiti və Qavinin COVİD-19 testinin pozitiv çıxdığı açıqlanmışdı.