Avropa Voleybol Konfederasiyası azərbaycanlı hakimə təyinat göndərib.
Futbolinfo.az xəbər verir ki, beynəlxalq dərəcəli hakimimiz Zaur Hacıyev fevralın 24-də keçiriləcək “Çağırış kuboku”nun yarımfinal matçını idarə edəcək.
Hacıyev Türkiyədə Mimar Sinan İdman salonunda qadın voleybolçular arasında “Aydın BB SK” (Türkiyə) – “Savino Del Bene” (İtalya) klublarının qarşılaşmasında ikinci hakim olacaq. Matçın birinci hakimi vəzifəsini serbiyalı Tomislav Popoviç yerinə yetirəcək.