Futbol üzrə Azərbaycan Birinci Divizionunda 15-ci tura yekun vurulub.
Futbolinfo.az xəbər verir ki, sonuncu oyun günündə daha üç qarşılaşma baş tutub.
Bu gün keçirilən oyunların hamısında qonaqlar qalib gəliblər. “Turan Tovuz” doğma meydanda “Zaqatala”ya uduzub. “Qarabağ”ın əvəzediciləri səfərdə “Sumqayıt”ın ikinci komandası üzərində qələbəyə sevinib. “Neftçi”nin əvəzediciləri isə evdə “Qəbələ”nin ikinci komandasına 3 cavabsız qolla uduzub.
Birinci Divizion
15-ci tur
23 fevral
Turan Tovuz – Zaqatala 0:1
Qol: Elşad Əliyev, 15.
Hakimlər: Kamranbəy Rəhimov, Vüsal Məmmədov, Asiman Əzizli, Elvin Bayramov.
Tovuz şəhər stadionu, 14:00.
Sumqayıt-2 – Qarabağ-2 1:2
Qol: İbrahim Əliyev, 71 – Əli Nəcəfli, 23. Seyxan Fərəcov, 46.
Hakimlər: Əli Əliyev, Kamran Bayramov, Teymur Teymurov, Vüqar Həsənli.
Sumqayıt şəhər stadionu (ehtiyat meydança), 14:30.
Neftçi-2 – Qəbələ-2 0:3
Qol: Ramin Doobi, 15. Mehrac Baxşalı, 23-pen; 90+5.
Hakimlər: Əliyar Ağayev, Namiq Hüseynov, Müslüm Əliyev, Tural Qurbanov.
Bakı. “Neftçi”nin məşq bazası (4-cü meydança), 15:00.