UEFA Konfrans Liqasının “Tvitter”dəki rəsmi hesabı Marsel “Olimpik”inin (Fransa) futbolçusu Dimitri Payet haqqında paylaşım edib.
Futbolinfo.az xəbər verir ki, 35 yaşlı yarımmüdafiəçinin pley-off mərhələsinin ilk oyununda Fransada “Qarabağ”a vurduğu qol yayımlanıb.
Payetin cari mövsümdə avrokuboklarda 23 oyunda 15 qolun iştirakçısı olduğu (9 qol, 6 məhsuldar ötürmə) xatırladılıb.
“Qarabağ” və Marsel təmsilçisi arasındakı cavab matçı bu gün saat 21:45-də start götürəcək. Fransadakı ilk oyunda “köhlən atlar” 1:3 hesabı ilə uduzub.