“Qarabağ”ın Çempionlar Liqasının 3-cü təsnifat mərhələsindəki rəqibi “Ferenstvaroş” bu gün Macarıstan çempionatında yeni mövsümün ilk oyununa çıxacaq. Stanislav Çerçesovun baş məşqçisi olduğu komanda “Puşkas Akademiya”sını qəbul edəcək. Matç Bakı vaxtı ilə saat 22:30-da başlayacaq.
Qeyd edək ki, “Qarabağ”la “Ferentsvaroş” arasında ilk görüş avqustun 3-də Bakıda, Tofiq Bəhramov adına Respublika stadionunda keçiriləcək. Oyun saat 20:00-da başlayacaq. Cavab görüşü isə avqustun 9-u Budapeştdə reallaşacaq. Bu qarşılaşmaya da yerli vaxtla saat 20:00-da (Bakı vaxtı ilə 22:00) start veriləcək.