PSJ-nin futbolçusu Kilian Mbappe Çempionlar Liqasında yeni rekorda imza atıb. O, buna ötən gecə “Yuventus”la görüşdə dubl etməklə nail olub.
Mbappe turnirdə 35-ci qolunu vurub. 23 yaş 260 günlyündə olan forvard ÇL-də 35 qol həddinə ən tez çatan oyunçu adını qazanıb.
Bundan əvvəlki rekord hazırda PSJ-də çıxış edən Lionel Messiyə məxsus idi. O, “Barselona”da oynayarkən 23 yaş 307 günlüyündə 35 qol həddinə çatmışdı.
Qeyd edək ki, Mbappenin qolları sayəsində PSJ “Yuventus”a qalib gəlib – 2:1.