Azərbaycan Respublikası Prezidentinin köməkçisi, Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov “Tvitter” səhifəsində “Qarabağ”la bağlı paylaşım edib.
Futbolinfo.az xəbər verir ki, o, Ağdam təmsilçisinin Avropa Liqasının qrup mərhələsinin sonuncu turunda evdə “Frayburq”la 1:1 hesabı ilə etdiyi oyundan sonra yazıb: “Halal olsun Qarabağ Futbol Klubu!!! Son saniyəyə qədərə mübarizə aparan aslanlarımıza eşq olsun!”
Qeyd edək ki, “Qarabağ” Avropa Liqası ilə vidalaşıb. Komanda qrupu 3-cü pillədə başa vurduğu üçün mübarizəni Konfrans Liqasının pley-offunda davam etdirəcək.
