Avstriyanın Avro-2024-ün seçmə mərhələsində Azərbaycan və Estoniya yığmalarına qarşı keçirəcəyi ilk iki oyunun yeri müəyyənləşib.
Hər iki qarşılaşma 2023-cü il fevralın 24-də açılacaq Linz şəhərindəki yeni “Raiffeisen Arena” stadionunda keçiriləcək. Arena 17 min nəfərdən bir qədər çox tamaşaçı tutumuna malik olacaq.
Avstriya – Azərbaycan oyunu 2023-cü il martın 24-də keçiriləcək. Avstriya – Estoniya görüşü isə üç gün sonra reallaşacaq.
Qeyd edək ki, Avstriya millisi Linz şəhərində son rəsmi oyununu 1981-ci ildə keçirib.