Tunis – Fransa matçında yeganə qolu vuran Vahbi Xazri tarixə düşdü. Afrikalıların Dünya Çempionatında vurduğu son 5 qolun hamısında onun imzası var. Hücumçu 3 dəfə özü fərqlənib, 2 dəfə məhsuldar ötürmə verib.
Maraqlıdı ki, Vahbi start heyətdə başladığı matçların hamısında qol vurub. O, mundiallarda ölkəsinin bombardiri olmaqda davam edir. Tunis yığmasında tarix ərzində başqa heç kimin birdən artıq qolu yoxdur.
Ümumiyyətlə, bu, Tunisin Avropa milliləri üzərində ilk qələbəsi idi. Onlar həm də ilk dəfə dünya çempionlarını xalsız qoydu. Amma 1:0 hesablı qələbə mərhələ adlamağa yetərli olmadı, komanda yalnız 3-cü pilləni tutmaqla təsəlli tapdı.