“Mançester Siti” bu qış transfer etməyəcək. “Şəhərlilər” hazırkı heyətdən məmnundur və əlavə xərcə düşməyə gərək duymur.
Futbolinfo.az xəbər verir ki, yeni oyunçu transfer edilməməsi ilə bağlı qərarı baş məşqçi Xosep Qvardiola verib. O, mükəmməl heyətə sahib olduqlarını və komandadakı balansı pozmağa gərək olmadığını düşünür.
İspan məşqçi rəhbərliklə ortaq qərar verdiklərini bildirib: “Masada hər hansı futbolçunun adı yoxdur. Kimsə zədələnsə və ya futbolçulardan israrla getmək istəyən olsa, bəlkə nəsə fikirləşərik. Amma bu gün üçün transfer planımız yoxdur”.