“Qarabağ” heyətini daha bir futbolçu ilə gücləndirə bilər. Futbolinfo.az “walfoot.be” saytına istinadən xəbər verir ki, Ağdam təmsilçisi Belçika “Beveren”inin hücumameyilli yarımmüdafiəçisi Lukas Ribeyrunu transfer etmək istəyir.
“Qarabağ”ın braziliyalı oyunçu üçün rəsmi təklif göndərdiyi bildirilir. Xəbərdə Rusiyanın iki klubunun da Ribeyru ilə maraqlandığı, ancaq oyunçunu Ağdam təmsilçisinin təklifinin cəlb etdiyi vurğulanıb.
Qeyd edək ki, “Qarabağ”ın fransalı vinger Adama Diakabi ilə də yaxın günlərdə müqavilə imzalayacağı gözlənilir. Oyunçu Ağdam klubunun düşərgəsindədir və razılıq əldə olunub. Sadəcə, müqavilənin imzalanması yubanır.