“Neftçi” Yusuf Lavalı cəmi 60 min avroya satıb. Öncə daha böyük məbləğlərdən danışılsa da, indi bəlli olur ki, vəziyyət başqa cür umuş.
Futbolinfo.az xəbər verir ki, bakılılarla yeni müqavilə imzalamaqdan boyun qaçıran nigeriyalı yayda azad agentə çevriləcəkdi. Bu səbəbdən “Arouka”dan təklif gələn kimi vingeri satmaq məsləhət bilinib. Portuqaliya klubu daha çox pul verməyncə müqaviləyə bənd salınıb. Belə ki, Laval gələcəkdə hansısa başqa kluba satılarsa, həmin paydan “Neftçi”yə də müəyyən faiz düşəcək.
Xatırladaq ki, “Neftçi”nin klubdan ayrıldığını rəsmən açıqladığı Yusuf hələ də “Arouka” ilə müqavilə bağlamayıb. Sənəd problemləri üzündən keçid ləngiyir.