Pol Poqba “Yuventus” üçün problemə çevrilməkdə davam edir. Fransalı yarımmüdafiəçi növbəti dəfə zədə alıb.
Futbolinfo.az xəbər verir ki, Poqbanın budəfəki zədəsi kiçik olsa da, turinlilər bu durumdan bezib. Klub “Yuventus”a gələni komandaya kömək etməyən futbolçunu transfer etməsinə peşman olub.
Turinlilər futbolçunun maaşını kəsmək niyyətinə düşüb. Pol belə davam edərsə, klubla münasibətləri gərginləşəcək. Büdcəsini havaya sovurmaq istəməyən “Qoca Sinyora” vəziyyət düzəlməyəcəyi halda, hətta yayda müqaviləni pozmaq niyyətindədir. 7 ay öncə “Mançester Yunayted”dən azad agent kimi İtaliyaya gələn Poqbanın hazırkı müqaviləsi 2025/26 mövsümünün sonunadək nəzərdə tutulub.