Avropa Konfrans Liqasının pley-off mərhələsində “Qarabağ”ın rəqibi olan “Gent”in Bakıya səfər proqramı bəllidir. Belçika klubu matçdan bir gün öncə Azərbaycanda olacaq.
Futbolinfo.az xəbər verir ki, rəqib komanda fevralın 15-i axşam saatlarında Heydər Əliyev Beynəlxalq Aeroportuna eniş edəcək. “Gent” qarşılaşma bitəndən dərhal sonra isə Belçikaya qayıdacaq.
“Qarabağ” – “Gent” görüşü fevraın 16-da baş tutacaq. Saat 21:45-də Tofiq Bəhramov adına Respublika Stadionunda start götürəcək görüşün revanşı bir həftə sonra Belçikada reallaşacaq.