Avropa Konfrans Liqasının pley-off mərhələsinin cavab oyununa indiyədək satılmış biletlərin sayı bəlli olub.
Futbolinfo.az xəbər verir ki, hələlik “Gelamko Arena”dakı qarşılaşma üçün 9 min bilet alınıb.
11 minə yaxın biletin isə satışda olduğu bildirilir. Stadion 20 min azarkeş tutumuna malikdir.
Belçika mətbuatı marağın az olmasını matçın həftəiçi gerçəkləşməsi və yerli vaxtla saat 21:00-da başlaması ilə izah edib.
“Qarabağ” “Gent”ə qarşı cavab matçını fevralın 23-də Belçikada keçirəcək. İlk oyunda Azərbaycan çempionu 1:0 hesablı qələbə qazanıb.