“Çelsi” rəhbərliyi hər dəfə baş məşqçi Qrem Potterə güvəndiklərini desələr də, namizəd axtarışına başlayıblar. Londonlular xəlvətcə bir neçə mütəxəssislə təmasa keçib.
Futbolinfo.az xəbər verir ki, “Çelsi” hazırda diqqətini Roberto de Zerbiyə yönəldib. “Brayton”un baş məşqçisi təklifə isti yanaşıb, amma rəsmi təklifdən sonra qəti qərarını verəcək.
Maraqlıdır ki, Potter də Londona “Brayton”dan gəlmişdi. Mövsümün əvvəlində o, istefaya göndərilən Tomas Tuheli əvəz etmişdisə, italiyalı da Potterin kreslosuna əyləşmişdi.
Bu mövsüm sözügedən klubdan bir neçə futbolçu transfer edən, bəziləri ilə danışıq aparıb anlaşmayan “Çelsi”, nədənsə yalnız “Brayton”u diqqət mərkəzində saxlayır. 43 yaşlı de Zerbinin hazırkı müqaviləsi 2026-cı ilin yayınadək nəzərdə tutulub. Potter isə 2027-dək “Çelsi”ni çalışdırmalı idi.