Türkiyə Super Liqasında 3-13 mart tarixi aralığında oynanılacaq matçlar pulsuz yayımlanacaq.
Futbolinfo.az xəbər verir ki, bu barədə Türkiyənin Gənclər və İdman naziri Mehmet Məhərrəm Kasapoğlu məlumat verib.
“Bu günlər təbii ki, keçəcək. Yaralarımızı sağaltmağa çalışarkən idmanın yaxşı, birləşdirən gücünü daim görəcəyik. Gənclər və idman Nazirliyi olaraq çempionatlarımızın yayını ilə məşğul olan “beIN Mediya Qrubu” ilə bir razılıq əldə etdik. Önümüzdəki iki həftənin bütün futbol oyunları şifrəsiz, hər kəsə açıq olacaq. Bu layihəyə dəstək verənlərin hər birinə təşəkkür edirəm”.