“Milan”la yeni müqavilə barəsində razılığa gələ bilməyən Rafael Leao İngiltərədə oynamaq istəmir. O, bu ölkədən xoşlanmadığını bildirib:
“Bəlkə də A Seriyası oynamaq üçün daha rahatdır, əsl döyüşçülər daha gərgin çempionat istəyir. Ona görə hamı Premyer Liqaya can atır. Amma mən oranı sevmirəm. Bir neçə dəfə alış-veriş etmək üçün Londonda olmuşam. İngiltərənin havasını xoşlamıram”.
23 yaşlı Leaonun “Milan”la müqaviləsi 2024-cü ilin yayında bitir. O, yeni anlaşmanı imzalamamaqla PSJ-yə getməyə çalışır. Vaxtilə Fransada “Lill”in formasını geymiş portuqaliyalı bu ölkədə daha çox qazanacağına əmindir. Lakin onun İtaliyada qalması mümkündür.