“Barselona” ilə ciddi problemlər yaşayan Xavyer Tebas indi də “Real”ı hədəf alıb. La Liqanın prezidenti madridliləri öz qazanclarına görə başqalarını ayaqlamağa çalışmaq cəhdinə görə qınayıb.
Tebas “Real”ın prezidenti Florentino Persin Superliqa ideyasına qarşı olmaqda davam edir: “Bəli, “Real”ın pulu çoxdur və ən güclülərə qarşı oynamaq, daha çox qazanmaq istəyirlər. Onlar ölkəni yönəldən bir bank kimidirlər”.
Prezident zəif klubların bu ideyadan əziyyət çəkəcəyini deyir: “Real” istəyir ki, ən yaxşı şeyləri özü yesin, başqalarına qırıntılar qalsın. Futbolun sabahını düşünürüksə, buna imkan verməməliyk”.