Serxio Busqets “El Klasiko” tarixinə düşdü. “Barselona”nın yarımmüdafiəçisi hazırda davam edən oyunda forma geyməklə buna nail oldu.
Futbolinfo.az xəbər verir ki, Busqets 46-cı dəfə “El Klasiko”da meydana çıxıb. Bu, ona Lionel Messi və Serxio Ramosla şərikliyə son qoyaraq derbidə meydanda hamıdan çox görünən futbolçu olmağa imkan verdi.
İlk “El Klasiko”suna 2008-ci ilin 13 dekabrında çıxan yarımmüdafiəçiyə çatmağa ən yaxın olan futbolçu “Real”ın hücumçusu Kərim Benzemadır (41). 40-ı adlamış digər 6 oyunçunun dördü karyerasını bitirib, Ramosla Messi isə başqa klublardadır.