“Bizim üçün çox çətin qarşılaşma oldu, əsas olan qələbə idi ki, bunu da qazanmağı bacardıq” – bu sözləri futbolinfo.az-a açıqlamasında “Sumqayıt”ın hücumçusu Kərim Abubakar deyib.
O, Azərbaycan Premyer Liqasının 25-ci turunda “Səbail”ə 1:0 hesabı ilə qalib gəldikləri oyundan danışıb: “Əslində, iki ardıcıl məğlubiyyətdən sonra toparlanmaq üçün əlimizdən gələni edirdik. Düşünürəm ki, ilk hissədə daha yaxşı oynadıq və qırmızı vərəqədən sonra oyun bizim üçün daha da çətinləşdi. Çünki qalib gəlməyimiz vacib idi, rəqib isə azlıqda qaldığından müdafiəyə “oturmuşdu”. Bütün komanda olaraq sonacan vuruşduq, nəticədə son dəqiqədə penalti qazandıq ki, bunu da qola çevirərək 3 xalı əldə etdik. İndi bu uğuru davam etdirmək istərdik. Liderlər sırasında qərarlaşan “Sabah”la bizi daha çətin oyun gözləyir. Sabahdan etibarən bu matça hazırlaşacağıq. Uğurlu performansı davam etdirib pis günləri arxada qoymaq istəyirik”.