Dünya Çempionatının yeni formatı iki gündən sonra təsdiqlənəcək. 2026-cı ildə keçiriləcək mundialın formatı Ruandanın paytaxtı Kiqalidə keçiriləcək FİFA Konqresində dəqiqləşəcək.
Turnirdə 48 komanda iştirak edəcək. İlkin plan komandaları 3 komandadan ibarət 16 qrupa bölmək idi. FİFA bu ideyadan imtina edərək 4 komandadan ibarət 12 qrupdan ibarət formatın lehinə qərar verib.
Ümumilikdə komandalar növbəti Dünya Çempionatında 104 oyun keçirəcək. Turnir 39 gün davam edəcək.
Qeyd edək ki, DÇ-2026 ABŞ, Kanada və Meksikada keçiriləcək.