“Qarabağ” Futbol Akademiyası bölgələrdə futbolçu seçimlərinə başlayıb. İlk səfər Yevlax rayonuna olub.
Akademiyanın məşqçiləri hazırda Yevlax şəhər stadionunda 8-15 yaş uşaqların seçimini keçirir.Seleksiya xarakterli məşqlərdə fərqlənənlər qarşıdakı günlərdə Bakıda baş tutacaq növbəti seçimlərdə iştirak edəcəklər.
“Qarabağ”ın bölgələrdə futbolçu seçimi qarşıdakı aylarda davam edəcək.Yevlaxdan sonra seleksiya xarakterli seçimlərin Bərdə və Mingəçevir şəhərində keçirilməsi planlaşdırılır.
