Avropa Liqasının 1/8 finalında Portuqaliyanın “Sportinq” klubuna penaltilərlə uduzaraq mübarizəni dayandıran London “Arsenal”ı bu oyunda iki futbolçusunu da itirib.
Futbolinfo.az xəbər verir ki, İngiltərə klubunun heyətində Takehiro Tomiyasu və Vilyam Saliba matçın əvvəlindəcə sıradan çıxıblar.
Zədələnən Tomiyasu 9-cu, Saliba isə 21-ci dəqiqədə əvəzlənmək məcburiyyətində qalıb.
Hələlik onların zədəsinin nə dərəcədə ciddi olduğu bilinmir. Hər iki futbolçunun durumuna ətraflı müayinələrdən sonra aydınlıq gələcək.