İspaniya 3-cü liqasında oyun zamanı futbolçunun ürəyi dayanıb. “Kordoba”nın futbolçusu Draqişa Qudelin vəziyyəti qəfil pisləşib və o, qazona yıxılıb.
Futbolinfo.az xəbər verir ki, “Rasinq Ferrel”lə matçda ürəyi dayanan 25 yaşlı futbolçu “Sevilya”dan tanıdığımız məşhur Nemanya Qudelin qardaşıdır. Serb oyunçu əvvəllər bu problemdən əziyyət çəkməyib.
11-ci dəqiqədə rahatsızlaşan Draqişanı həyata qaytarmaq mümkün olub. Ona defibrillyatorla kömək edilib və ikinci cəhddə ürək döyüntüləri qaydasına düşüb.
