Xames Rodriges “Olimpiakos”dan ayrılmaq istəyir. Yunaıstanda özünü xoşbəxt hesab etməyən kolumbiyalı yarımmüdafiəçi yeni klub arayır.
Futbolinfo.az xəbər verir ki, “Real”, “Bayern”, “Portu”, “Monako”, “Everton” kimi klublarda oynadıqdan sonra bir il Qətərdə çıxış edən 31 yaşlı futbolçu, ötən yay “Olimpiakos”a keçmişdi. Lakin Xames burada zədələrdən əziyyət çəkdi, daha sonra isə ölkəyə uyğunlaşa bilmədi.
Müqaviləsi yayda bitəcək yarımmüdafiəçi hazırda yeni klub axtarır. Hələlik ən real müştəri “Beşiktaş”dır. İstanbul klubu Xameslə danışıqlara başlayıb. Transferə əngəl kimi görünən yeganə səbəb oyunçunun uzunmüddətli müqavilə tələbidir.