“Barselona” İspaniya La Liqasında bu mövsüm keçirdiyi 27 matçın 20-də qol buraxmayıb.
Futbolinfo.az xəbər verir ki, Kataloniya təmsilçisi bu göstəriciyə görə yeni rekoda imza atıb.
Komanda son olaraq 27-ci turda “Elçe”ni dörd cavabsız qolla məğlub edib.
27 qarşılaşmada 71 xal toplayan “Barselona” çempionat tarixinin ikinci ən yaxşı nəticəsini də müəyyənləşdirib.
Xatırladaq ki, Xavinin baş məşqçisi olduğu kollektiv hazırda turnir cədvəlində liderdir. Rəqibindən bir oyun az keçirən “Real” 56 xalla ikinci pillədə qərarlaşıb.