MBA-da bu gecə müntəzəm çempionata yekun vurulub. Son oyun günündən sonra Qərb konfransında da bütün cütlüklər müəyyənləşib.
Son turda bir neçə görüş prinsipial olub. Onlar arasında “Minnesota” – “Nyu-Orlean” oyununu qeyd etmək lazımdır. Rəqibini 113:108 hesabı ilə məğlub edən meydan sahibləri daha yüksək yerdə qərarlaşıblar.
Play-offun son pilləsi uğrunda mübarizə aparan 3 komandanın hamısı qalib gəlib. Nəticədə “Klippers”lə ötənilki çempion “Qolden Steyt” müvafiq olaraq, 5 və 6-cı yerləri tutub. Lebron Ceymsli “Leykers” isə əlavə olaraq play-ində yarışacaq.
Beləliklə , play-off cütlükləri aşağıdakı kimidir:
“Denver Naggets” – Play-inin 1-ci cütünün qalibi
“Finiks Sanz” – “Los-Anceles Klippers”
“Sakramento Kinqs” – “Qolden Steyt Vorriors”
“Memfis Qrizlis” – Play-inin 2-ci cütünün qalibi
Play-inin cütlükləri belədir:
1. “Nyu-Orlean Pelikans” – “Oklahoma-Siti Tander”
2. “Los-Anceles Leykers” – “Minnesota Timbervuls”
Qeyd edək ki, play-in cütlüklərində bir oyun keçirilir. İlk yazılan komanda meydan sahibidir. Bu hüququ onlar müntəzəm çempionatda daha yüksək yer tutduqlarına görə qazanıb. “Denver Naggets” konfransda ən yaxşı nəticə göstərdiyinə görə qarşıdakı 3 raundda ev üstünlüyünə malik olacaq.