Kriştianu Ronaldo Madridə dönmək istəyir. O, artıq qərarını verib və yayda real addım atacaq.
Futbolinfo.az “El Nacional”a istinadla xəbər verir ki, “Əl Nəsr”in hücumçusu Səudiyyə Ərəbistanında xoşbəxt deyil. Portuqaliyalı hər şeydən bezib, fərqli mədəniyyətə malik ölkədə yerli dili bilmədən yaşamaqda çətinlik çəkir. O, klub rəhbərliyini bu barədə məlumatlandırıb və çox pul qazanmağı xoşbəxt yaşamaqdan üstün tutmaq istəmir.
Madriddə Ronaldonun niyyətindən xəbərdardırlar. Uzun illər oynadığı “Real”ın prezidenti Florentino Peres Kriştianuya yardım etməyə çalışır. Amma portuqaliyalı İspaniya paytaxtına oyunçu kimi dönməyəcək. Klub hazırda ona təklif edəcəyi işlə bağlı variantları nəzərdən keçirir.