Karlo Ançelotti Kərim Benzemaya əvəzedici axtarır. “Real”ın baş məşqçisi bu barədə özü danışıb.
İtaliyalı mütəxəssis bu gün keçirdiyi mətbuat konfransında maraqlı açıqlama verib: “Klubumuz gələcəyini düşünərək yeni 9 nömrə tapmalıdır. Və həmin futbolçu Benzemanın yerini dolduracaq səviyyədə olmalıdır. Kərimdən narazı deyiləm, çox yaxşı çıxış edir, onunla bağlı heç vaxt problem yaşamadıq. Lakin yaşını nəzərə alsaq, gələcəyi düşünməliyik”.
Ançelotti Braziliya millisinə mümkün təyinatı barədə də danışıb: “Bütün xəbərlər yalandır. Bəlkə də mənə maraqları var, lakin biz heç vaxt danışmadıq. Hələ Madriddə görəcəyim işlər var”.