“Barselona” son turda (“Betis” 4:0) məğlub olmamaqla öz rekordunu təkrarladı. İspaniya nəhəngi mövsüm ərzində 24 matçda qapısında qol görməyib ki, bu da ötən əsrdə imza atdığı uğurun yenilənməsidir.
Futbolinfo.az xəbər verir ki, “Barsa” 1986/87 mövsümündə də eyni göstəriciyə imza atmışdı. La Liqanın yetirmələri növbəti matçlarda uğurunu yeniləmək üçün əla şansa malikdir. Ehtiyatda 7 oyun var və rekordu yeniləmək mümkündür.
Amma İspaniya çempionatının rekordu başqa kluba məxsusdur. Belə ki, 1993/94 mövsümündə “Deportivo” daha yaxşı göstəriciyə imza atmışdı. La-korunyalılar o zaman 38 tur ərzində 26 dəfə qapısını toxunulmaz saxlamışdı.