“Sabah” – “Beşiktaş” matçının biletlərinin qiyməti, satışa nə qədər bilet çıxarılacağı hələ bəlli deyil. Bakı klubundan aldığımız blgiyə görə, bütün məsələlər bu gün həllini tapacaq, hər şey aydınlaşacaq.
Futbolinfo.az xəbər verir ki, klub biletləri cümə gününə kimi satışa çıxarmaq istəyir. Ya bu gün, ya da sabah biletlər kassalarda olacaq.
Türkiyə nəhəngi ilə qardaşlıq matçı mayın 13-də saat 18:00-da Tofiq Bəhramov adına Respublika stadionunda baş tutacaq. “Beşktaş” oyundan bir gün öncə Bakıya gələcək.
Matç xeyriyyə xarakteri daşıyacaq. Oyundan əldə edilən bütün gəlir qardaş Türkiyədə zəlzələdən zərər görmüş insanlara göndəriləcək.