“Sərhədçi” İdman Mərkəzində Azərbaycan Basketbol Liqasının pley-off mərhələsinə start verilib.
Futbolinfo.az xəbər verir ki, yarımfinal seriyasının ilk oyununda “Sabah” və “AAAF Xırdalan” komandaları qarşılaşıblar.
Oyuna sürətli başlayan “Sabah” basketbolçuları yekunda 86:71 hesablı qələbə qazanıblar.
Bu qələbə ilə “Sabah” seriyada 1:0 önə keçib. Yarımfinal seriyasının ikinci oyunu 9 mayda baş tutacaq. Ən məhsuldar basketbolçular “Sabah”dan Entoni Patti (19 xal, 12 ribaund), “AAAF Xırdalan”dan Deymon Makdouel (26 xal, 9 asist) olublar.
Pley-off mərhələsində ikinci yarımfinal seriyasının ilk oyunu (“NTD” – “Gəncə”) sabah “Sərhədçi” İdman Mərkəzində keçiriləcək.