Ötən yay əsas heyətinin əksər futbolçularını satan “Ayaks” yenə klubların diqqət mərkəzindədir. Mövsüm bitən kimi amsterdamlılar daha bir neçə oyunçusu ilə vidalaşmalı olacaq.
Futbolinfo.az xəbər verir ki, hazırda transferi ən çox gözlənilən oyunçu Edson Alvaresdir. 25 yaşlı meksikalı yarımmüdafiəçi Almaniya nəhənglərinin hədəfindədir. 35 milyon avro dəyəri olan oyunçunu “Bayern” və Dortmund “Borussiya”sı transfer etmək istəyir. “Sport1″in məlumatına görə, “Ayaks” futbolçunu satmağın əleyhinə deyil.
“Napoli” isə müdafiəçi Yurrien Timberlə maraqlanır. 21 yaşlı niderlandlı satılması planlaşdırılan Kim Min Çjeni əvəz etməlidir. “Ayaks” ona 42 milyon avro qiymət qoyub.