Leonardo Bonuççi karyerasını bitirmək qərarına gəlib. Amma İtaliya millisinin müdafiəçisi bunu indi yox, gələn mövsümün sonunda edəcək.
Futbolinfo.az xəbər verir ki, təcrübəli oyunçu qərarını qətiləşdirib: “2024-ün yayında təqaüdə yollanacağam. Müqaviləm bitdikdən sonra onu yeniləməyəcəyəm və başqa kluba getməyəcəyəm. Bunu “Yuventus”da reallaşdırmaq çox gözəldir. Turində etdiklərimlə qürur duyuram”.
36 yaşlı oyunçu karyerası ərzində yalnız A Seriyasında oynayıb. “İnter”, “Treviso”, “Pisa”, “Cenoa” və “Bari” formalarını tərlədən Bonuççi 2010-cu ildən “Yuventus”dadır. Yalnız 2017/18 mövsümünü “Milan”da keçirən futbolçu Turin klubunun tarixinə düşüb. Leonardo 9 dəfə A Seriyasının qalibi, 4 İtaliya kubokunun, 5 İtaliya Superkubokunun sahibi olub.