“Çelsi” yay transfer dövründə satacağı futbolçuları müəyyənləşdirib. Londonlular mövsüm bitən kimi heyəti yüngülləşdirmək üçün komandaya fayda verməyən yüksək ödənişli oyunçuları yola salacaq.
Futbolinfo.az xəbər verir ki, “zadəganlar” Pyer-Emerik Obameyanq, Mateo Kovaçiç, Hakem Ziyeş, Kristian Pulişiç, Eduard Mendi, Ruben Loftus-Çik və Kallum Hadson-Odoi ilə yollarını ayıracaq. Futbolçulara bu barədə məlumat verilib.
London klubu qışda xeyli transfer etməklə heyəti kifayət qədər “yükləyib”. Avrokuboklardan kənar qalan komandanın indi əsas heyətdə meydana çıxacaq futbolçuları müəyyənləşdirməsi prosesi başlayıb. Rəhbərlik adı çəkilənoyunçuları satmaqla həm də yayda yeni məşqçinin istədiyi yeni futbolçuları alacaq. Gedənlərin siyahısı genişlənə bilər.