Antonio Kassano Simone İnzaginin “İnter”dən qovulmalı olduğunu düşünür. İtaliya millisinin sabiq hücumçusu keçmiş komanda yoldaşını tənqid edib.
Futbolinfo.az xəbər verir ki, tənqidi fikirləri və qəribə açıqlamaları ilə daim gündəmə gələn Kassano deyib: “İnzagi hətta Çempionlar Liqasını qazansa belə, qovulmalıdır. Çünki finala çıxmaq böyük uğur deyil, onların buraqədərki yolu çox asan olub”.
Kassano İnzagini uğursuz hesab edir: “A Seriyasında mövsümün bitiminə 5 ay qalarkən “Napoli”nin 20 xal gerisinə düşmək biabırçılıqdır. “İnter” belə aqibətə layiq deyildi”.