Yevlaxda şahmat üzrə 28 may – Respublika Gününə həsr olunan rayon birinciliyinə start verilib.Yarışın keçirilməsində əsas məqsəd iştirakçılar arasında idman və dostluq əlaqələrinin gücləndirilməsi, şahmat oyununa yeniyetmə və gənclər arasında marağın artırılmasıdır.
Yarış oğlanlar və qızlardan ibarət 6 yaş qrupu üzrə – 2007-2008, 2009-2010, 2011-2012, 2013-2014, 2015-2016 və 2017-ci il təvəllüdlü şahmatçılar arasında keçirilir. Şahmat Federasiyasının qaydalarına uyğun keçirilən yarış 9 mərhələdən ibarətdir. Birinciliyin sonunda hər yaş qrupu üzrə ilk 3 yerin qaliblərinə diplom və qiymətli hədiyyələr veriləcək.
BƏHRUZ MUSAYEV, YEVLAX