Misli Premyer Liqasının 2022/23 mövsümü başa çatıb.
Futbolinfo.az xəbər verir ki, “Qəbələ” çempionatı 4-cü yerdə yekunlaşdırıb. “Qırmızı-qaralar”ın baş məşqçisi Elmar Baxşıyev 36 oyunda 23 futbolçuya şans verib.
Felipe Santos hamıdan çox – 35 dəfə meydana çıxıb. İsnik Alimi və Məqsəd İsayev 34 oyunda iştirak edib. Şimali makedoniyalı yarımmüdafiəçi meydanda daha çox dəqiqə keçirib.
“Qəbələ”nin 23 futbolçusundan 2-si qapıçıdır. Səlahət Ağayev 30, Kristof Atanqana 6 görüşdə şans qazanıb.
“Qəbələ”nin hesabında olan 47 qola komandanın 13 oyunçusu imza atıb. İsnik Alimi ardıcıl ikinci mövsüm “qırmızı-qaralar”ın bombardiri olub. O, 9 dəfə fərqlənib. Ramon Maçadonun aktivində 8 qol var.
İsnik 7 penalti zərbəsini dəqiq yerinə yetirib. Komandanın qapısına təyin olunan 9 belə zərbədən 8-i qolla nəticələnib.
“Qəbələ”nin üç qolunu rəqiblər öz qapısına vurub. Petro Stasyuk, Qustavo de Fransa (hər ikisi “Səbail”) vəı Adil Nağıyev (“Şamaxı”) avtoqol müəllifi olub. Komandamızın üzvləri də eyni sayda uğursuzluq yaşayıb. İlkin Qırtımov, Murad Musayev və İsnik Alimi avtoqola üzülüb.
| futbolçu | oyun | dəqiqə | qol | sarı | qırmızı |
| Felipe Santos | 35 | 2718 | 3 | 7 | 0 |
| İsnik Alimi | 34 | 3033 | 9 | 9 | 0 |
| Məqsəd İsayev | 34 | 3014 | 2 | 7 | 0 |
| Ruan Renato | 33 | 2907 | 2 | 10 | 1 |
| Rövlan Muradov | 33 | 1930 | 2 | 2 | 1 |
| Omar Hani | 33 | 1187 | 1 | 4 | 0 |
| Ülvi İsgəndərov | 33 | 1146 | 6 | 0 | 0 |
| Ramon Maçado | 32 | 2318 | 8 | 2 | 0 |
| Feras Abu Akal | 31 | 2592 | 2 | 13 | 0 |
| Emil Səfərov | 31 | 1106 | 1 | 6 | 0 |
| Səlahət Ağayev | 30 | 2700 | -38 | 3 | 0 |
| İlkin Qırtımov | 30 | 2561 | 0 | 7 | 1 |
| Murad Musayev | 30 | 2290 | 1 | 4 | 0 |
| Rafael Utziq | 30 | 2054 | 4 | 3 | 0 |
| Asif Məmmədov | 30 | 1641 | 0 | 2 | 0 |
| Urfan Abbasov | 14 | 942 | 0 | 3 | 1 |
| Əyyub Allaş | 13 | 757 | 3 | 0 | 0 |
| Kristof Atanqana | 6 | 540 | -9 | 0 | 0 |
| Andrey Strijak | 6 | 22 | 0 | 1 | 0 |
| Yaovi Akakpo | 4 | 15 | 0 | 0 | 0 |
| Hüseyn Mürsəlov | 1 | 15 | 0 | 1 | 0 |
| Mehrac Baxşalı | 1 | 2 | 0 | 0 | 0 |
| Rauf Rüstəmli | 1 | 1 | 0 | 2 | 0 |