Kərim Benzema “Real”dan ayrılmaq qərarına gəlib. Əlcəzair əsilli fransalı hücumçu qərarını bu gün keçirəcəyi mətbuat konfransında açıqlayacaq.
Futbolinfo.az “Marca”ya istinadla xəbər verir ki, Kərim ətraflı götür-qoy etdikdən sonra qərarını verib və vaxt itirmədən bunu ictimaiyyətə aıqlamaq istəyir. O, prosesi tezləşdirməklə İspaniya nəhənginə transferlərini vaxtında planlamaqda yardımçı olmaq niyyətindədir. Çünki “Kral klubu” ona yeni müqavilə təklif etmişdi.
Benzema 14 il oynadığı klubu azad agent kimi tərk edəcək. 35 yaşlı forvard növbəti iki mövsümü Səudiyyə Ərəbistanı çempionu “Əl-İttihad”da keçirəcək. İlinə 100 milyon abro olmaqla iki illik müqavilə təklifi olan futbolçu razılığını verib. O, yeni çempionatda sabiq komanda yoldaşı Kriştianu Ronaldoya rəqib olacaq.