Ucar şahmat məktəbində ümummilli lider Heydər Əliyevin 100 illik yubileyinə həsr olunan şahmat turniri keçirilib. Turnirin keçirilməsində məqsəd ölkəmizdə şahmatın inkişaf strategiyasının əsasını qoyan Ulu Öndər Heydər Əliyevin əziz xatirəsini yad etmək və bu intellektual idman növünün kütləviliyinə nail olmaqdır.
FİDE qaydalarına uyğun təşkil edilən xatirə turnirində 6-16 yaşlı qız və oğlan şahmatçılar mübarizə aparıb. 112 iti zəka sahibinin gərgin mübarizəsi şəraitində keçən turnir 10 gün davam edib.
Sonda ilk 3 yeri tutan şahmatçılar müvafiq olaraq diplom, medal və kubokla mükafatlandırılıb.
BƏHRUZ MUSAYEV, UCAR
