Dünən Konfrans Liqasının qalibi olan “Vest Hem” həsrətə son qoydu. Finalda “Fiorentina”nı 2:1 hesabı ilə məğlub edən İngiltərə klubu tarixində 3-cü avrokuboku qazandı.
Futbolinfo.az xəbər verir ki, “Vest Hem” uzaq 1965-ci ildə indi mövcud olmayan Kuboklar Kubokunu əldə etmişdi. Komanda 1999-cu ildə böyük nüfuzu olmayan İntertoto Kubokunu qazanmaqla təsəlli tapmışdısa, bu dəfə Konfrans Liqasına sahib çıxdı.
İngilislərin futbolçusu Emerson Palmieri isə tarixə düşdü. İtaliya millisinin Braziliya əsilli oyunçusu UEFA-nın təşkil etdiyi bütün yarışlarda qalib olmaqla heç kimin əldə etmədiyi nailiyyətə imza atdı. Həm də o, buna son 4 ildə nail olub. 2019-da “Çelsi” ilə Avropa Liqasının qalibi olan yarımmüdafiəçi, iki il sonra Çempionlar Liqasını və UEFA Superkubokunu əldə edib. 2020-də İtaliya millisi ilə Avropa çempionu olan oyunçu dünən də Konfrans Liqasının kubokunu başı üzərində qaldırdı.