“Səbail” növbəti transferə hazırlaşır. Yerli oyunçu ehtiyatını yaxşılaşdırmağa çalışan “dənizçilər” məhz bu istiqamətdə hərəkət edir.
Futbolinfo.az xəbər verir ki, “Sumqayıt”dan Süleyman Əhmədovla Rüfət Abdullazadəni, “Kəpəz”dən Yusif Nəbiyevi heyətinə qatan Bayıl təmsilçisi indi də “Şamaxı”nın oyunçusuna göz dikib. I Diviziona düşən komandada qalmaq istəməyən Amil Yunanov “Səbail”lə danışıqlara başlayıb.
Təcrübəli hücumçunu “Araz-Naxçıvan” da transfer etmək istəyir. Amil hazırda götür-qoy edib, ən sərfəli variantı seçəcək.