“Ayntraxt” Dortmund “Borussiya”sından icarəyə götürdüyü hücumçu Ansqar Knauffun transfer hüquqlarını alıb.
Futbolinfo.az xəbər verir ki, Frankfurt təmsilçisi 21 yaşlı alman forvarda görə “Borussiya”ya 5 milyon avro ödəyib.
Gənc hücumçu ilə müqavilə isə 2028-ci ilin yayına kimidir.
Knauff geridə qalan mövsümdə “Ayntraxt”da 33 oyuna cəmi 1 qol vurub.
“Ayntraxt” müdafiəçisi Evan Ndika ilə də yollarını ayırmağa qərar verib. Fransadan olan 23 yaşlı futbolçunun bu ayın sonuna qədər olan müqaviləsinin müddəti artırılmayıb. Bu üzdən də o, azad agent kimi istədiyi kluba keçə biləcək. 2018-ci ildən “Ayntraxt”da çıxış edən futbolçu burada 183 oyuna 12 qol vurub.