Növbəti mövsümün hazırlıqlarını davam etdirən “Zirə” daha bir transferi həll edib. Futbolinfo.az-ın əldə etdiyi məlumata görə, “qartallar” “Şamaxı”nın sol cinah müdafiəçisi Fuad Bayramovla anlaşıb.
Birinci Diviziona düşən əyalət klubunda ötən mövsüm uğurlu çıxış edən gənc futbolçu ilə razılıq əldə edilib. Müqavilə yaxın günlərdə açıqlanacaq.
“Zirə”nin Donald Gerye ilə müqavilənin müddətini uzatmaması da bununla bağlıdır. “Qəbələ”dən ayrılan Məqsəd İsayevlə də anlaşan “qartallar” müdafiənin cinahlarını yerli futbolçulara tapşıracaq.