MBA-da draftda 2-ci nömrə ilə seçiləcək basketbolçu da müəyyənləşmək üzrədir. Bir nömrə ilə fransalı Viktor Vembanyamanı “San-Antonio Spürs”un heyətə qatacağı heç kimdə şübhə doğurmur.
2-ci seçim hüququna malik “Şarlott Hornets” isə Brendon Millerlə müqavilə imzalamağı planlaşdırır. Bu xəbəri MBA haqqında daim hamıdan qabaq məlumatlar verən ESPN-in insayderi Edrian Vojnarovski yayıb.
“Mənə verilən məlumata görə, Brendon Millerin oyunu və səviyyəsi “Şarlott Hornets” rəhbərliyinə təsir edib. Buna görə də onun ikinci seçilmək şansı yüksəkdir. Basketbolçu bazar ertəsi Şarlotda olub və komandanın zalında məşq edib. Hələlik klubun sahibi olan Maykl Cordan da onu bəyənib”, – deyə Vojnarovski bildirib.