“Neftçi” “Matç TV” turnirində “Srvena Zvezda” ilə qarşılaşmada (0:4) ciddi itki ilə üzləşib. Komandanın yeni transferi Emil Balayev zədələnib.
Futbolinfo.az xəbər verir ki, oyuna ikinci hissədə daxil olan millimizin üzvü matçın son dəqiqəsində ciddi zədə alaraq meydanı xərəkdə tərk edib. Onun durumu haqda hələlik dəqiq məlumat yoxdur, lakin onun ilin sonunadək sıradan çıxmaq ehtimalı böyükdür.
Qeyd edək ki, “Neftçi”nin digər qapıçısı Aqil Məmmədov “Zenit”lə oyunda ağır zədə alaraq meydanı xərəkdə tərk etmişdi. O, artıq Bakıya qayıdıb.